Menu

Tagalog Pinoy Horror Story

Maymomoo! - Mangamba... manginig... takbo!

The Philippines top horror story archive.

New Horror Stories

 Fiction Mahal Kong Impakto

Story Rating:

Sa loob ng isang maingay na night club, maraming tao ang nag......

Boses

Story Rating:

Kasalakuyan nag-aantay kami ng elevator paakyat sa flat nami......

Bangungot

Story Rating:

Simula pa nung bata ako malakas na pakiramdam ko sa mga di n......

Lady inside the car (A short story)

Story Rating:

Ito po totoong mga nangayari sa loob ng workshop kung saan a......

Ghost in the flat

Story Rating:

Isa po akong OFW dito sa Dubai, at 15 years na akong naninir......

Sleep Paralysis Nga Ba? (A Short Story)

Story Rating:

Im from QC. Usually ang mga tao late na talaga natutulog dah......

 Fiction The Horror Lab (A short story)

Story Rating:

Agosto 19, 1989. 3:00 AM. Natapos gawin ang Lab ng monterser......

Kaluskos sa FVR

Story Rating:

Buntis ako ng panahon na nasa Pinas ako para magbakasyon. Hi......

 Fiction Room66

Story Rating:

Ito ang araw kung kailan mayroon kaming school fair sa aming......

Airport ghost story 3

Story Rating:

Habang ako ay nag pipicture, nasa walkalator ako nun nang ma......

Top Horror Stories

Ang Liham...

Story Rating:

Parang nawala ako sa sarili ko. Kumikilos ako ngunit hindi n......

Toll Plaza

Story Rating:

Isa akong ex-toll teller, kame ay inihahated at sinusundo ng......

Elemento o Demonyo?

Story Rating:

6 years ago nagtrabaho ako sa isang fast food chain kung saa......

Mga Patak ng Tubig

Story Rating:

Kwento ito ng isang kaibigan ko. Namatay ang asawa nyang lal......

Horror Stories

Story Rating:

Nangyari ito nung nagaffiliate kami sa Cebu for psych. Doon ......

Jollibee Scare 2

Story Rating:

Ang kwento, may namatay daw na dating crew sa store namin, p......

Nagambala

Story Rating:

Iba ang naging takbo ng gabing iyon. Madalas ang alulong ng ......

Simbang Gabi (A Demon in the Catholic Church)

Story Rating:

A true story revelation of seeing a real demon in the Cathol......

Opisina (Story 2)

Story Rating:

...

Noong Buntis ako

Story Rating:

Ang taon na nagbuntis ako sa panganay kong anak, Ang baha......

New Fictional Horror Stories

 Fiction Mahal Kong Impakto

Story Rating:

Sa loob ng isang maingay na night club, maraming tao ang nag......

 Fiction The Horror Lab (A short story)

Story Rating:

Agosto 19, 1989. 3:00 AM. Natapos gawin ang Lab ng monterser......

 Fiction Room66

Story Rating:

Ito ang araw kung kailan mayroon kaming school fair sa aming......

 Fiction Nandito na sila

Story Rating:

Isa akong business man. Mahilig akong bumili ng lupa dahil n......

 Fiction Ang Ganti ng Lambana

Story Rating:

Sa kabundukan ng masukal na probinsya ng Bicol, may nakatira......

 Fiction 3:00 am part 1

Story Rating:

Gabi ng biyernes nung nag-sleep over ako sa bahay ng kaibiga......

 Fiction Ang Pamana

Story Rating:

Ako si Angela at ibabahagi ko sa inyo ang aking karanasan sa......

 Fiction Ang Kaibigan Ko

Story Rating:

Ito na nga ang aking kuwento. Ang Kaibigan ko si Nicole napa......

 Fiction Ang Matanda sa Bus

Story Rating:

Hi Admin, gusto ko lang i-share yung story ni Papa na itatag......

 Fiction Guardian angels

Story Rating:

Isang gabi may babaeng naglalakad pauwi sa kanilang bahay. M......


Fiction Horror Stories Collection



Story Rating

Rated (3/5)
by 3 user(s)


Sa loob ng isang maingay na night club, maraming tao ang nagtatawanan at nagsasaya. Sabay ng mapanuksong tunog ay may mga babaeng gumigiling at nangaakit ng mga parokyano sa club na iyon. Handa ang mga babae na ibigay ang kanilang sarili kapalit ng salapi at marami naman ang mga kakalakihan doon ang handang tugunan ang kanilang hinihingi.


 


Isa sa mga babae na nandoon ay si Vera. Bente-uno anyos pa lang sya ngunit masasabi na bihasa na sya sa kalakaran ng laman. Maagang namulat sa makamundong pagnanasa si Vera dahil sya ay pinagsamantalahan ng kanyang sariling tiyuhin. Ulila na sa magulang si Vera at nakikitira lamang sya sa kanyang tiyahin na kapatid ng kanyang nasirang ina. Sa edad na kinse, nagalaw sya ng kanyang tiyuhin at imbes na sya ang kampihan, sya pa ang sinisi ng kanyang malupit na tiya. Kaya mas pinili nya na lumayas na lang doon at napadpad sya sa magulong lunsod ng Maynila. Doon, sa kanlungan ng mga bugaw sya napunta at ang murang katawan nya ang pinagpasapasahan ng mga lalaki na kanyang naging "customer."


 


Walang nagawa si Vera kundi tanggapin ang kanyang kapalaran. Noong una, labag sa loob nya ang ginagawa. Alam nya na mali ang magbenta ng kanyang katawan ngunit kailangan nya mabuhay. Kaya tinatagan na lang nya ang kanyang sarili at inisip na darating ang araw, makakaahon din sya sa maruming trabaho.


 


Ang gabing iyon ay tulad din ng mga gabing nagdaan. Maingay, maraming humahalakhak, at kanya kanya ng diskarte ang mga babaeng mababa ang lipad para kumita ng pera. Isang dancer si Vera at isa sya sa pinakamaganda sa night club na yun. Marami ang naghihintay ng kanyang "special show" na kung saan lahat ng lalaki na nandoon ay nabibighani sa kanyang mapanuksong galaw. Nung lumabas na sya mula sa likod ng tabing, nagsigawan ang mga lalaki sa kanyang kasuotan. Nakasuot sya na parang isang belly dancer at agad na gumiling at umindak kasabay ng mabilis na tugtog. Unti-unti nyang tinatanggal ang kanyang saplot hanggang halos kita na ang lahat ng parte ng katawan nya. Halos maglaway ang lahat ng lalaki na nandoon sa kanya.


 


Habang ginagawa ang pagsasayaw, napansin nya ang isang lalaki na tahimik lang na nanonood . Gwapo ang lalaki. Kahit na nakaupo, mapapansin na matangkad ito at matipuno ang katawan. Mapungay ang mga mata nito at parang may lahing Kastila. Kahawig nito si Ian Veneracion na paboritong artista ni Vera. Agad naman na nagkainteres dito si Vera at nagpasya na pagkatapos ng kanyang sayaw, lalapitan nya ito.


 


Nang matapos nga ay nagsuot si Vera ng roba at agad na tumungo sa kinaroroonan ng lalaki. Nagkataon na may kasamahan sya na kinukuha ang order ng lalaki. Halatang nakikipaglandian ang kasama nya dahil panay ang hagikgik nito at nilalapit ang maselan na parte ng katawan sa lalaki. Kinuha ni Vera ang tingin ng kasamahang babae at tinaasan ng isang kilay. Agad namang umalis ang babae tanda ng paguubaya kay Vera dahil kilala sya na palaban at mataray. Agad naman pinalitan ng ngiti ang labi ni Vera at agad na umupo sa tabi ng lalaki.


 


"Hi! Ako nga pala si Vera. And you are?" walang pag-aalinlangan na sabi ni Vera. Malakas ang loob nya na makukuha nya ang lalaki dahil bilib sya sa kanyang natural na ganda.


 


"Uhm, Miguel. Miguel ang pangalan ko." tipid na tugon ng lalaki.


 


"Hi Miguel, nagustuhan mo ang performance ko?" tanong ni Vera na may kasamang pilyang ngiti.


 


"Okay lang. Nagpunta lang talaga ako dito para uminom ng konti."


 


Naramdaman ni Vera na asiwa ang lalaki sa kanya. Ngunit imbes na umalis, pinilit pa rin ng babae na kunin ang loob ng lalaki. Kahit tipid na tipid ang mga sagot nito sa kanya, parang wala lang yun kay Vera. Inistima nya ito ng mabuti at nagtagumpay naman sya na patawanin ito.


 


Nasundan ang gabing iyon ng ilan pang gabi. Lagi na bumibisita si Miguel at lagi naman itong pinupuntahan ni Vera. Hanggang sa di namalayan ni Vera na nahulog na ang loob nya sa binata. Sa kalakaran ni Vera, bawal ang umibig. Panandaliang aliw lang ang kayang ibigay ng mga katulad nya at walang sumesersoyo sa katulad nya. Ngunit ganoon ang puso, may pagka-traydor. Kahit anong pilit ni Vera na sabihin na trabaho lang ang ginagawa nya, di nya talagang maiwasan na mahulog ang loob sa binata.


 


Hanggang sa nagpasya ang dalaga na umalis sa pinapasukan na club. Naghanap ng matinong trabaho. Kahit mas mababa ang kanyang kinikita, tinanggap na nya. Gusto nyang talikuran ang nakaraan at maging isang mabuting babae. Nais nya na magustuhan din sya ni Miguel kaya gumawa sya ng paraan para mawala ang babaeng nakilala nito na mananayaw lang sa isang club. 


 


Hanggang dumating ang panahon na umamin na sa kanya si Miguel na mahal na rin sya nito. Halos lumundag ang puso ni Vera sa galak. Naging mag-nobyo sila ni Miguel at makalipas ng ilang buwan, nalaman ni Vera na sya ay nagdadalangtao. Kinakabahan na sinabi nya ito kay Miguel, natatakot na iiwan sya nito dahil sa kanyang kalagayan.


 


Hindi naman agad nagpakita ng tuwa si Miguel. Nag-isip ito ng matagal. Guguho na sana ang mundo ni Vera nang bigla syang niyakap ng binata at sinabing pananagutan sya nito. Agad na nagplano ng kasal ang dalawa.


 


Pagkatapos ng kasal sa huwes ay dinala na ni Miguel si Vera sa bahay nito sa Laguna. Nalaman ni Vera na ulila na rin pala si Miguel at walang ibang kamaganak. Pagdating ni Vera sa bahay ni Miguel, nagulat sya sa bahay nito.


 


"Dito ka ba talaga nakatira, Miguel? Ang laki naman ng bahay mo, ang yaman mo pala!"


 


"Minana ko lang ito sa aking mga magulang. Halika, tuloy ka sa bahay natin."


 


Malaki ang bahay at halatang ginawa noong panahon pa ng mga Kastila. Luma ang mga muwebles at medyo maalikabok at makalat. Agad naman na kinilabutan si Vera ngunit pilit nya itong kinubli kay Miguel.


 


"Mukha lang sigurong haunted itong bahay kasi sobrang luma na. Pero di bale, pagagandahin ko to." bulong ni Vera sa sarili.


 


At tinupad naman iyon ni Vera. Pinilit nyang maging isang perpektong asawa kay Miguel. Nilinis nito nang magisa ang buong kabahayan at pati ang malawak na hardin ay inayos din nya. Unti-unti, ang dating malungkot at nakakatakot na bahay ay naging isang makulay at maaliwalas na tahanan.


 


Ngunit may mga gumugulo pa rin sa isip ni Vera. May mga kakaibang kinikilos ang kanyang bagong asawa.


 


"Miguel, napapansin ko na hindi mo kinakain ang mga niluluto ko. Hindi mo ba nagugustuhan ang mga ulam?"


 


"Ah eh, kumakain na kasi ako bago umalis ng trabaho." paliwanag ni Miguel. "Kaya huwag mo na ako ipagluto, ayoko na mapagod ka pa."


 


"Ganon ba." bagamat naguguluhan ay nanahimik na lang si Vera. Ayaw nya na magaway sila ng asawa nya kaya pinipigilan nya ang maging selosa at pagiging bungangera. Gusto nya na huwag pagsisihan ni Miguel na pakasalan sya.


 


Hindi lang doon nagtapos ang mga agam agam ni Vera. Sa tuwing maglalaba, may napapansin sya sa mga damit ng asawa.


 


"Dugo ba ang nakikita ko lagi sa damit ni Miguel?" takang taka si Vera.


 


"Miguel, bakit parang may mga dugo lagi ang damit mo? Saan yun nanggagaling?"


 


"Ah, yun ba? Baka dagta lang ng halaman. Alam mo naman dito, ang daming halaman sa paligid. Di yan dugo, huwag mo na lang pansinin."


 


Pinagkibit balikat na lang ni Vera ang lahat. Ayaw nya na magaway sila ng asawa kaya pinaniniwalaan na lang nya ang lahat ng sabihin nito. Maski ang ugali nito na iwan na nakabukas ang mga bintana sa gabi ay hinayaan na lang nya.


 


"Iwan mo lang na nakabukas ang mga bintana, Vera. Mainit sa gabi at di ako sanay na walang pumapasok na hangin."


 


"O sige, ikaw ang bahala." tugon naman ni Vera.


 


Hanggang sa isang araw, di mapakali si Vera sa bahay. Agad nyang niyakap ang asawa pagdating nito.


 


"Miguel, buti dumating ka na! May nalaman ako nung namalengke ako sa bayan!" takot na takot na sambit ni Vera habang naluluha. "May impakto daw palang gumagala sa lugar na ito! Miguel natatakot ako! Paano kung pati tayo mabiktima ng impakto na yun?"


 


"Huwag kang magalala, Vera!" sabi ni Miguel habang mahigpit na yakap ang umiiyak na asawa. "Hanggang naririto ako, di kita pababayaan."


 


Nung gabing iyon, maagang natulog si Miguel. Si Vera naman ay balisa pa rin at siniguro na nakapinid ang lahat ng pinto sa buong kabahayan. Nang makita ang bukas na bintana, nag-atubili ito sandali.


 


"Sabi ni Miguel, lagi lang daw ito dapat nakabukas." wika ni Vera sa sarili. "Pero may impakto na gumagala! Mahirap na! Isasara ko na muna ito. Maiintindihan din naman nya siguro."


 


Kaya sinara ni Vera ang bintana at tumabi na sa natutulog na asawa at ilang minuto ay nakatulog na ulit. Mga hatinggabi, biglang dumilat ang mata ng asawa. Parang wala sa sarili na bumangon ito at naghubad ng lahat ng saplot sa katawan. Ilang segundo ang nakalipas at sa ilalim ng liwanag ng buwan, nagbago ang anyo nito.


 


Tinubuan ng makapal at itim na buhok ang buo nitong katawan. Naging matalim at dilaw na nagbabaga ang mga mata nito na parang sa pusa. Naging mabalasik ang mukha nito na parang sa isang mabangis na aso at may tumubong malaki at malapad na pakpak ng paniki sa likuran nito. Umusli din ng malalaki at matalim na pangil sa bunganga nito na sabik na kumain ng laman at uminom ng dugo ng tao.


 


Agad na kinampay ng impakto ang mga pakpak nito at tinungo ang bintana. Ngunit dahil nakapinid ang malaking bintana, tumama ang impakto dito at bahagyang natigilan ito. Lumikha ito ng napakalakas na ingay na agad nagpagising sa natutulog na si Vera.


 


Pupungas pungas si Vera at inaantok na hinanap ang lumikha ng ingay. Nawala ang lahat ng antok sa kanyang katawan at nanlaki ang kanyang mga mata sa sobrang sindak nang masilayan ang kahindik hindik na itsura ng impakto na kasalukuyang makatitig sa kanya. Agad na nagpakawala ng isang nakabibinging sigaw ang babae.


 


"Miguel! Miguel, nasaan ka? Tulungan mo ako! Nandito ang impakto!" halos mabaliw na pagsigaw ni Vera.


 


Ngunit walang Miguel na tumugon sa palahaw nya. Agad na lumipad patungo sa kanya ang impakto at sinibasid ng kagat ang kanyang leeg. Ilang minuto lang nagpumiglas si Vera hanggang binawian sya ng buhay. Pinagpiyestahan ng impakto ang kanyang kawawang katawan. Kinain ang kanyang mga lamang loob at pati ang bata na nasa kanyang sinapupunan ay di nito pinatawad.


 


Nung dumating ang bukang liwayway, bumalot sa buong kabahayan ang iyak ng pagdadalamhati ng isang lalaki. Mahigpit na niyayakap ni Miguel ang natira sa katawan ni Vera na luray luray at nakabukas pa rin ang mga mata sa sobrang hirap at takot.


 


"Patawad, mahal ko..." labis na pagsisisi na nasabi ni Miguel habang hinahalikan ang asawa sa labi nitong puro dugo. "Patawad... Kung pinagtapat ko lang sana ang lihim kong pagkatao, marahil buhay ka pa ngayon pati ang anak natin. Natakot kasi ako na baka di mo ako matanggap at iwan mo ako. Mahal na mahal kita, Vera."


 


Ngunit wala na si Vera, hindi na ito makakasagot sa kanya. Pinaslang sya ng lalaking labis nya na pinagkatiwalaan at minahal. Dahil di makayanan ang sariling konsensya, nagsaksak sa sarili si Miguel upang makasama na sa kabilang buhay si Vera at ang kanilang anak. Muli, nabalot ng kadiliman ang buong bahay na syang tanging saksi sa malagim na sinapit ng mga tumira dito.


 


Wakas.


  

Story Archive