Pinoy Horror Story

I-share ko lng po yung experience ko noong ako po ay 13 years old at ngayon ay 14 years old na po.

Itago nlng po ninyo ako sa pangalang TINTIN.

Paambon-ambon na gabi, ako po ay lumabas para hintayin ang akin pinsan at tita tito ko galing Tuguegarao. Umistambay po muna ako sa tindahan dahil andon naman yung pinsan ko at papa ko. 8pm po ito at matagal tagal din po ako sa tindahan, maya-maya ay nagpasama ang pinsan kong lalaki na humingi ng pera sa kanyang mama (takot daw kasi sya sa mga aso namin). Yung bahay namin may katapat na bakanteng bahay, wala na po nakatira doon matagal nang abandonado iyun kasi daw po malas. At nag pasama na nga sya, sinamahan ko naman.

Madilim po yung papasok sa compound namin dahil hindi po binuksan yung street light so kinuha ko na lang po yung cellphone ko para gabay sa pag lakad namin ng pinsan ko. Medyo may kalayuan po unti yung bahay nila sa amin. Nung makarating kami sa bahay nila nagpa- iwan po ako sa labas kaya ako lang po magisa, medyo madilim po yung paligid. Maya-maya may biglang nag-PSSST!

Hindi ko po pinansin pero nasa side ko yung bahay na wala nang nakatira at madilim po sa loob. Inisip ko nalang na baka papa ng pinsan ko ang sumitsit. Diko na lng po pinansin, nang mayat maya may nag PSSST na naman! At hindi ko po inaasaang napatingin po ako sa abandonadong bahay. Nabigla po ako, as in lumaki po yung mga mata ko sa nakita ko-- naka upong babae sa bintana, malaki yung buhok, mahaba ang suot niyang damit pero kahit pilit ko pung tignan yung mukha di ko po talaga makita. Ang ginawa ko po binuksan ko agad yung bahay ng pinsan ko, tulog na po yung mama at papa nya, ang ginawa ko hinila ko po yung pinsan ko at lumabas kami. Tinanong nya ko kung bakit parang nakakita daw ako ng multo. Hindi pa man kami nakakalayo sa bahay nila ay bigla po kaming napa-tapat sa bintana ng abandonandong bahay kung saan ko nakita ang babae! Ang sabi ko tignan mo yung bintana may naka upong nakaputi na babae. Pero wala daw sya nakikita. Doon ko na po napagtanto na multo yung nakikita ko! Iniwan ko na po siya at tumakbo na po ako sa bahay namin.

Nang makarating po ako sa bahay nanginginig po ako at hindi makapag salita. Tinanong ako ni Mama kung bakit daw ako nanginginig, nakagat daw ba ako ng aso? Pero hindi parin po ako makapag-salita. Inabutan po ako ni ate ng tubig at nang nahimasmasan na po ako ay kinuwento ko na po yung nangyari.

Ang sabi po nila yung nakita ko daw po ay nagbabantay po talaga doon sa kwarto ng bahay na yun. Sabi po nila pag umaambon daw po may naririnig sila na iyak doon sa taas ng abandonadong bahay. Isinumpa daw po yung bahay na yun at kung sino daw po ang sisira sa bahay na yun mamamatay daw po o kaya mag kakasakit ng malala. May binabantayan daw po kasi ang multo doon sa bahay na yun.

Yan lng po at sana po magustuhan niyo. Salamat.