Pinoy Horror Story

May ikukwento ako. Totoo po ito kasi mismong kwento to ng buhay ko.

Anim na taong gulang pa lang ako nun pero hinding-hindi ko makalimutan ang mga nangyari. Sabado, nagising ako sa mahimbing kong pagkatulog, tinignan ko ang wall clock "Uy alas tres na!" (EVERY 3PM IS MERYENDA TIME/ PLAY TIME) Sinilip ko ang bintana sa kwarto ko at kitang-kita ko sa likod yung maliit na kubo-kubo namin tabi ng malaking puno ng niyog. Si mama may kausap siyang babae, sinilip ko ulit . Uy si Tita Mimi. Sobrang saya ko nun kasi akala ko sinama nya ang mga pinsan ko. So bumangon ako nag mamadali bumaba ng kwarto. Doon ako dumaan sa exit sa may bandang kusina kasi shortcut.

Palabas na sana ako ng may nakita ako sa mismong tabi ng pinto may isang napakalaking tao na nakatayo. Naka-kapa na may hood na brown walang mukha, ang buhok ang ugat. Nilapit nya ang kamay niya sa mukha ko na para sasakalin nya ako, Di ako makahinga. tinignan ko ang bibig ko walang kamay, sinubukan kong sumigaw walang boses na lumabas. Ilang metro lang ang layo ko sa kubo kitang kita ko sina mama pero bakit para d nila ako nakita. Sobrang nanlaban ako hanggang sa binitawan nya ako. pag bitaw niya saka ako nakahinga nang maluwang. Madilim na mag aalasais na. Tumakbo ako kay mama na umiiyak d ko alam kong paano ko sasabihin sa kanya ang nangyari . Natatakot ako na baka balikan ako kaya d ko nalang sinabi.

Ilang Linggo na ang nakaraang ramdam ko parin ang takot.  Dingding na hanggang bewang at grills lang ang pagitan nang isa poso sa bahay ni lola. Wala nun si mama nasa labas bumili ng pagkain tapos si papa ay nasa tapat na kanto nakikipag usap sa mga kapitbahay. So kami lang 3 ng kapatid ko. Nakaupo ang bunso kong kapatid 3 taong gulang sa speaker gilid nang dingding kitang kita ko nga ang poso sa unahan kaso medyo madilim doon sa part na yun kase nakapatay ang ilaw. Tumatawa ang kapatid ko na parang may inaabot sa grills. Tinignan ko, gulat na gulat ako ng may dalawang pugot ulo na may suot na itim, at may puting tela sa may leeg na parang damit ng pare. Lumalakad lang sila pa ikot ikot sa may poso tapo bigla itong humarap at parang patakbong  lumapit sa amin. Dali dali kong kinuha palayo ang kapatid ko at hinawi ang kurtina at nagkulong sa kwarto.

Lumipat kami ng tirahan taong 2006 sa isang purok di kalayuan sa lugar namin noon. Walang masyadong bahay. Maraming puno may malaking palayan pa sa may likod ng mga bahay. Yung tinitirhan namin ay isang concrete na bahay na ilang taon ng walang nakatira at bago ka maka punta doon ay may madadaanan kang mga puno ng niyog at malaking fishpond sobrang nakapangilabot lalo na ang mga kapit bahay naming mangilan-ngilan lang na sobrang misteryoso. Isang gabi nun mga alas 7 inutusan ako ni mama na bumili ng corned beef. Medyo malayo ang tindahan sa may kanto ng entrance pa ng purok. Sinama ko ang pangalawang kapatid ko sa takot ko. Naglakad kami buti nalang may kakilala pa kaming naglalakad sa mga oras nayun itago nalang natin siya sa ngalang Nanay Sipin, kasama nya ang apo nyang si Mica 5 na taong gulang , galing kasi sila sa birthday . so apat na kami kaya  kumalma na ang loob namin. Ngumingiti akong naka tingin sa anino naming apat kasi may malaking streetlight sa likod namin. Pero takang taka ko kung bakit naging anim ang anino namin. Naghawakan kami ng kamay ng kapatid ko. Di lang pala kami ang nakakita nun pati rin yung kasama namin. Nasa kalagitnaan na kami ng biglang nagsalita ang apo nya na "Lola oh, tawag nya tayo", sabay turo sa madilim na eskinita. Kinuha nya at kinarga ang apo nya at dalidali tumakbo at dun nakisabay narin kami. Nangangamba kung paano kami uuwi ng kami nalang dalawa buti nalang nakita namin yung barkada ni papa nay may tricycle at hinatid nya kami.

Curious kasi ako sa mga kaganapan sa buhay ko na di kapani paniwala so tinanong ko ang Lola ko.

Me: La, Naniniwala ka ba sa mga multo?

Lola: *tahimik* Bakit mo natanong?

Me: Nakakita kasi ako

Lola: Sinaktan ka ba nila?

Me: Yung isa lang sinakal niya ako

Sa sobrang gulat niya tumayo siya ang tumungo sa kwarto ng mama niya. At dun ko lang nalaman na sikat na albularyo/Esperitista pala ang Lola ng lola ko. At bawat babae raw ng henerasyun namin nakaka-mana daw nung Third Eye o lapitin ng mga multo/aswang at enkanto.

Nag kwento din si lola noong walong buwan palang ako:

Alas 6 nang umaga hiniga daw ako sa sofa sa salas ng lola ko. May kinuha lang syang gatas sa kusina pagbalik nya ay bigla daw akong nawala. Hinanap daw nila ako sa buong bahay, kusina, sa mga kwarto sa ilalim ng kama at mga kapit bahay. Halos buong angkan ko na daw ang naghahanap noon. Umiiyak na si mama. Nireport na nila sa pulis ang biglang pagkawala ko. Pag uwi nila ng bahay mga ala sais na daw non, nagulat nalang daw sila ng makita nila ako sa sofa sa salas ng lola ko. Parehong posisyun sa pagkalagay sa akin kaninang umaga doon nila, narealize nila na hiniram daw ako ng mga mababait na dwendeng nakatira sa ilalim ng napakalaking cabinet ni lola.