Pinoy Horror Story

Gusto ko din pong matakot kayo kaya ishe-share ko ang naging karanasan ko noong ako ay 3rd highschool, nag aaral sa isang catholic school sa Cavite, kilala naman ako dun dahil member ako ng choir sa church namin, lagi kong nakikita si Sister Lani (di na tunay na pangalan po) medyo may edad na sya.

Siya ang pinakapaborito ko na Sister sa school kasi, siya ung nagbigay ng lakas ng loob na sumali ako sa choir, lagi ko din sya dinadalaw minsan sa opisina nila, kwentuhan lang malapit talaga ang loob ko sa kanya, sabay kaming nagrorossary minsan pag cut ang klase, naging close kami month of July, noong November, tumigil sya sa pagtuturo, naospital na kasi sya, Meron syang Stage 3 blood cancer, lahat kami ay nalungkot..

Wala akong kaalam alam noon. November 21 (Intramurals namin noon) lahat busy, ako naisipan kong pumunta ng church para ipagdasal si Sister Lani, kasi di ako makadalaw sa ospital mahal ang pamasahe pa maynila. Medyo may kalakihan ang church namin kaya hindi mo naman agad makikita ung tao na nasa harapan, wala pa kong eyeglasses noon. Pero natanaw ko ung isang matandang nakasuot pang madre, na may bitbit na bag habang nagdadasal sa harapan. Nagulat ako, siguro sa onting takot pero sumaya ako bigla kasi parang si Sister Lani iyon, gusto kong pumunta sa harapan para tignan kung sya nga un. Hindi ako makagalaw, di ko magalaw ang mga paa ko noon. Nakita kong tumayo si Sister Lani sa kinauupuan niya, mas lalo akong natuwa, paakyat sya ng altar pero, parang may hanging sumampal sa mukha ko at napanganga na lamang dahil nakita kong umaakyat sya sa hagdan na onting angat sa lupa medyo may kabilisan din, pero lumingon sya sa'kin habang papasok ng sacristy, doon ako parang nawawalan ng hinga, hanggan sa nalabanan ko at tumakbo palabas ng church, nakita ko ang mga co-teachers nya, same subject na tinuturan niya, na parang paalis sila at madaling madali, tinanong ko ung teacher na pumalit kay Sister Lani kung saan sila pupunta at sabi namatay na daw pala si Sister Lani kaninang alas otso ng umaga. So parang ako napanganga na lang ako sa lungkot, pero puno ng takot. Kasi nakita ko mukha ni Sister Lani habang papasok sa sacristy na nakalutang ang mga paa.

Sa sobrang takot ko (bakla akes eh) umuwi ako ng bahay nang wala sa oras. Mga 6 ng gabi, medyo kalmado na ko. Inutusan ako ni Mama bumili ng mang tomas, malayo pa lang ako sa gate. Nakita ko na agad ung itim na mahabang isinusuot sa mga madre, akala ko si Ate kasi mahaba din buhok nya. Edi ako naman bilis ang paglabas pero pag bukas ko ang haba na at may puti sa dulo pang madre nga. Bigla akong inatake ng asthma, humarap sya, putlang putla syang nakangiti sa'kin na papalayo pero hindi parang ngiting masaya, ngiting nakakakilabot tignan. Hanggang sa dumating Papa ko at dali dali akong dinala sa loob para magtake ng inhaler at nebulizer, ikinuwento ko mga nangyari, kilala din naman nila si Sister Lani, dahil bumibisita naman din yon sa bahay, yun ung dahilan kung bakit ako napalipat sa public school. Dahil sa karanasang hinding hindi ko makakalimutan. 

 

Philip 

Cavite