Pinoy Horror Story

Nung bata pako lapitin na ako ng mga engkanto , multo at aswang. Sinasabi ni Mama ko dahil masyado ako tahimik na bata. Pero nung mga panahon na yun di pa ako nakakakita, nararamdaman ko lang sila. Iba na kasi pakiramdam ko once nararamdaman ko mga presence nila. Alam ng pamilya ko na lapitin ako pero di nila inaasahan na si Kuya Boy ko ay my third eye na at mas naging malapitin kesa sakin.

Dapit hapon na nang umuwi si Kuya ng araw na yun. Yung usual na uwi ng bata galing galaan pero ng dumating dumeretso siya ng kwarto tapus my iniinda ng sakit. Hinayaan lang namin siya at ako kasama ang Ate Aine ko ay naglalaro lang sa labas ng kwarto. Napansin ni Mama na parang iba na yung timpla ng katawan niya dahil tinatawag siya ni Mama pero hindi sumasagot. Hanggang sa puntahan siya ni Mama at tinanung ngunit iba na ang mukha nito. 

Yung tipo na parang pagod na pagod siya kahit nakaupo lang tapus yung mukha parang antok na hirap idilat ang mga mata. 

Tinatanung siya ni Mama kung saan ang masakit. 

"Ulo Ma, Ulo!" sagot niya at tinuturo ang ulo niya, pero di na niya boses yung lumalabas. Boses bata  ang naririnig namin yung 4 -5 yrs old. Sinampal sampal siya ni Mama at tinanung ulit ngunit ganun parin ang sagot niya.

Nagpapanic at takot na takot na si Mama nung di parin nagbago ang pagsagot ng Kuya ko kaya agad niyang inutusan ang isa kong Kuya na tawagin yung manggagamot. At nung bumalik kasama na si Manong Yol, ang manggagamot. 

Sa katulad ko na bata pa nakaupo lang at nakatingin sa nagyayari katabi ang Ate ko. Pagpasok pa lang ni Manong Yol nag iba na yung pakiramdam niya, hinarap niya yung Kuya ko na nasa kwarto tapus lumabas lang para sabihan kami na isara lahat ng bintana at pinto. Nilagyan niya ng asin at luya kada bintana at pintuan. At pumasok ulit ng kwarto.

Pagkatapos ng mahigit isang oras at nung lumabas ulit ito, Sinabihan niya kami na sinapian ng matandang babae si Kuya. Naggambala daw ito kaya naggalit. May ginawa itong orasyun o ritwal na nagpaalis sa sapi ng Kuya.

Nagpahinga lang si Kuya nung umayos na ang pakiramdam niya parang wala lang. Hindi na niya maalala yung mga nangyari prang natulog daw siya.