Pinoy Horror Story

Hi admin. Matagal ko nang binabalak na ishare sa inyo tong kwento ko, ngayon ko lang nagawa kasi sobrang haba at hanggang ngayon kinikilabutan pa rin ako pag naiisip ko. Itago nyo nalang ako sa pangalang Sai. 

 

Last year nangyari ito. Pero medyo may ikwekwento lang ako about sa father ko. Namatay siya sa dahil sa isang cancer. Napakabait ng tatay ko. Isa siya sa nirerespetong tao sa aming barangay sa aming lugar (Di ko na sasabihin ung province). Isa siyang makaDiyos at higit sa lahat may takot siya sa Diyos. Taong 2012 siya namatay. 

 

Sumunod na namatay ang panganay namin dahil sa aksidente. Maaaring masasabi nating aksidente pero para sa amin may foul play na nangyari. Di ko na itatago na ang kuya ko ay isang drug lord. Isa siya sa nagtitinda ng shabu sa aming lugar. Alam niyo kahit ganun ung trabaho niya mabait din siya. Pero ang pinaka ayaw ko ay masyado siyang mahigpit pagdating kay God. So eto na, december 14, 2014 nang nabalitaan ko na naaksidente siya na nagmomotor sa amin. Nasa bulacan ako that time. Pasado alas 7 ng gabi ng biglang tumawag ung isang kuya kong pulis na pinapauwi ako sa amin dahil naaksidente nga ung panganay namin. Kaya ako agad agad akong nag impake at bumiyahe papunta sa amin. 

 

Pagdating ko sa ospital mga 8am ng umaga. Nakita ko buong angkan ko sa labas ng ospital. Pagpunta ko sa loob, may nasalubong akong kakilala ko, so kinamayan ko at nagkamustahan kami. Pagkatapos dumeretso na ako kung saan nakakwarto ung kuya ko. Laking gulat ko na ganun pala kagrabe ung tama ng kuya ko. Yung kailangan pa nilang ipump yung parang balloon para lang makahinga ung kuya ko. Fast forward. Hindi na nakayanan ng kuya ko ung ospital kaya nagdecide kami na ipunta siya sa mas magaling na ospital sa manila. Pero pagdating namin dun, sabi ng doctor na wala na daw pag asa kasi patay na ang utak ng kuya ko. Tanging gamot at makina na lamang ang bumubuhay sa kanya. Kaya nagdecide kami na isurrender na siya. So ganun nga namatay ung kuya ko. 

 

Habang nasa burol, 3 nights syang nakaburol sa bahay, bigla siyang sumanib sa pinsan naming babae. Habang ako ay nakikipag inuman sa mga barkada ko, pinatawag ako dahil gusto daw niya akong makausap. Nung pagpasok ko sa kwarto kung saan dinala ung pinsan naming babae na sinaniban niya, grabe ang nerbyos ko dahil for the first time ako makikipag usap sa isang kaluluwa. At nagulat nalang ako nang bigla niyang sinabi sakin na barkada ko daw ang pumatay sa kanya. Sinabi niya na kinamayan ko pa daw siya sa ospital. Eh nagtataka ako dahil wala naman ung pinsan kong babae na sinaniban niya nuong nagkamay kami sa ospital. Hindi ko man lang nabanggit sa kanya na may kinamayan ako. So ganun na nga. Lahat na ng kapamilya ko nagtaka na. Pero ang sinumbat ko ay wala akong alam sa pinagsasabi nya. 

 

Hanggang sa umabot na may mga binitawan siyang salita. "Nakita ko si papa. Bakit ang taas taas niya. Hindi ko siya maabot. Nandito ako sa napakababa" umiiyak niyang sinabi. Tapos sabi pa niya "Patawarin niyo ako sa lahat ng kasalanan ko pero huli na ang lahat, napakainit dito sa napuntahan ko. Maraming baga". Dun na ako nagsimulang umiyak. Dahil sa kagustuhan niyang makasama si papa eh hindi daw niya maabot dahil napakataas daw ni papa. At siya ay napakababa. Biglang nagtanong ung kapatid kong pulis. "Ginawa mo ba ung sinabi ko sayo na humingi ka ng tawad sa Diyos?" Yun po ang tinanong ng kuya kong pulis pero alam niyo po ang sinabi ng kuya kong namatay? Sabi niya "Hindi ko nagawa dahil huli na ang lahat" tapos tinanong namin kung ano ba talaga nangyari. Sabi niya, nung pagka aksidente daw niya may pumukpok daw ng bato sa likod ng ulo niya. Kaya hanggang ngayon ay humihingi kami nga hustisiya. Pasensya na kung medyo magulo. 

 

Hanggang ngayon sumasanib pa rin siya sa mga babae na pinsan ko dahil gusto niya ng justice. Sana po mapost. Salamat po. 

 

Cyrus