Pinoy Horror Story

Share ko lang yung karanasan ko sa ganyan. Di ko ito malilimutan nangyari ito last month. Nagkayayaan kami ng mga kaservice ko na mag jogging. Napagusapan nmin na magkikita kita sa bahay ng isa kong kaservice para dun magsimula yung pagjojogging namin. Dito sa lugar namin di naman masyado liblib ang lugar medyo madilim dito sa barangay namin lalo na pag gabi.

4:15 nag ring yung alarm clock ko. Agad-agad akong nagjacket at nagsuot ng sapatos at umalis na ng bahay. Nagpunta ako sa kanto para mag abang ng tricycle. 4:30 na wala pang tao at tricycle na dumadaan kaya nagpasya akong magjogging na lang papunta sa bahay ng kaservice ko tutal di naman masyado malayo bahay nila sa amin. Pagdating ko sa pangalawang kanto, nakita ko ang kumbento ng mga madre at naalala ko yung mga kwento sa amin ng mga matatanda at mga tricycle driver na may nagpapakita daw sa kumbento. Di naman agad ako naniwala sa mga sabi-sabi kasi naniniwala ako sa kasabihang "to see is to believe". Pagdating ko sa tapat ng kumbento, dahan-dahan akong nagjogging at nakikiramdam sa paligid. Bago ako nakalampas sa kumbento, pinagmasdan ko muna yung nag-iisang bintana na nakatapat sa kalsada. Kitang-kita ko na biglang bumukas ang ilaw sa loob pero di ako natakot kasi nasa isip ko na baka madre lng yun. Muntik na akong mapahiyaw nang biglang may lumabas na madre sa bintana at papunta sa kinaroroonan ko!

Inaaninag ko ang mukha ng madre hanggang parang nanlamig ang paligid at di ako makakilos. Kitang-kita ko! Pugot yung madre at papalapit sa akin! Nagtatakbo ako palampas ng tulay, paglingon ko sa likod ko di na ako hinahabol ng madre. Napaupo ako at nanginginig sa takot. Di ko alam ang aking gagawin. Tumungo ako at nagdasal at noong patayo na ako, nasa harapan ko yung madre at hawak niya yung kanyang ulo na nanlilisik ang mata. Hinimatay ako no'n at nagising ako dahil nakita pala ako ng mga kaservice ko na nasa daan at walang malay. Simula noon sa tuwing dadaan ako sa tapat ng kumbento, hinding-hindi na ako lumilingon sa bintanang nagdala sa akin ng isang matinding karanasang d ko malilimutan....