Pinoy Horror Story

Isa akong business man. Mahilig akong bumili ng lupa dahil naniniwala ako na magandang mag invest lalo na sa mga lupain. Meron akong isang nabili sa may taas ng bundok maganda ang tanawin at sariwa ang hangin malayo sa City kay nag pasya ako na mag pa tayo doon ng isang rest house. Natapos na din ang rest house na pinagawa ko kaya napag disisyonan kung mag bakasyon muna doon kasi medyo stress na din ako sa dami ng aking iniisip. Ako kasi ang tao na gusto mapag-isa minsan. Maganda ang paligid maraming nag tataasang puno, kaya malamig ang paligid at hangin doon. Hapon na at malapit ng dumilim kaya Sinigurado ko lahat ng pinto ay naka-lock.

Pag katapos kong kumain ay pumunta na ako sa aking kwarto, nag basa muna ako ng libro at umiinom ng mainit na tea. Hindi ko namalayan na nakatulog na pala ako. Nagising ako dahil sa mga ingay na naririnig ko mula sa labas. Naalala ko bigla na di ko pala na lock yung pinto sa likod ng kusina. Kinabahan na ako. Nag dahan-dahan akong lumabas ng kwarto ko para tingnan kung ano yung mga ingay na yun. Baka siguro may nag-babalak akong pag-nakawan o kung ano man. Pag kalabas ko ng pinto ay nan-laki ang mga mata ko, merong mga nasa limang kalalakihan na armado. Mukha silang mga rebelde dahil sa haba ng buhok at mga bigote nila. Nakita nila agad ako. Nang mag sasalita na sana ako kung ano ang kailangan nila. Biglang lumapit ang isa sa mga armadong lalaki. Akala ko sasaktan nya ako ng biglang inabot nya sakin ang isang baril.

Nag taka ako kung bakit? Nang biglang nag salita ang lalaki "Kakailanganin mo yan paparating na sila". Sinong sila? Wala pang isang minuto ay may narinig akong mga nakakatakot na tunog. Parang mga mababangis na hayop na gutom na gutom. Hindi ako naniniwala sa mga kung ano mang mga kababalaghan kaya sinilip ko sa bintana kung ano man yun. Hindi ako makapaniwala, Isang halimaw. Napaka haba ng buhok. Mahahaba at matutulis na kuko sa kamay, at mga pulang mata na nanlilisik may pangil ito na matatalas.

"Ano yan !! Anong klaseng mabangis na hayop yan?" Tanong ko sa mga lalaki. "Isa yang aswang." Hindi ako makapaniwala. Nasa loob lang kami ng aking rest house. Nag babantay sa bawat galaw ng halimaw na ano mang oras ay baka sumalakay ito sa amin. Malapit nang mag-umaga at nawala na kung ano mang halimaw na yun. Nalaman ko na lang na mga lalaking iyon ay mga militar na nag babantay sa bundok. Dahil madami na daw nawawalang tao doon mga hikers o mga kasamahan nila. Simula noon ay hindi na ako bumalik doon sa takot na baka muling sumalakay kung ano mang halimaw na iyon.