Pinoy Horror Story

Sunday ng tanghali nun, nagluluto ang pinsan kong si kuya JR at ang tito ko ay nasa sala, natulog muna ako sa kwarto habang naghihintay mananghalian sinadya kung iwan na nakabukas ang pintuan sa kwarto para makita ko ang pagitan ng sala at kusina namin, mga ilang minutes na ako naka tulog, naka gising ako at alam kung binabangungot na naman ako, ito yung experience na pinaka hindi ko makakalimutan at pinaka natakot ako kasi while struggling na makagising may nakita akong isang lakake na pumasok sa kwarto ko akala ko si kuya JR pero kasi parang silhouette lang tinawag ko sa pag asang matulongan akong magising pero naka dama ako ng kaba dahil ang sunod na ginawa nung lalaking itim ay naglabas ng itim din na parang kumot at cinover sa mukha ko, wala na akong makita, maya maya may naririnig na ako na parang nag uusap at sabi isasama daw ako, sobra ang kaba ko kasi sa isip ko baka i abduct ako.

Naramdaman kong umangat ang dalawang paa at ang ulo ko pero hanggang doon lang dahil natigil ito nang may malaking boses ng lalake ang tumawag sa pangalan ko, kilala ko ang boses na yun, si tito tinatawag ako napakalakas ng boses na nagpagising ng tuluyan, dun ko narealized na naka angat talaga ang mga paa ko sa ere at ang tuwalya na naka cover sa mukha ko tinanggal ko na din, ibig sabihin totoo nga ang nangyari sa akin..sobrang weird tingnan ng porma ko non pagka gising, dali dali akong umalis ng kwarto at hinanap si tito dahil baka sakali may i uutos, pagka labas ko hindi ko makita si tito wala din yung motor niya, pumunta ako sa kusina at naabutan ko si kuya JR nagwawalis ng sahig, tinanong ko kung nasaan si tito at kung pumasok ba si kuya sa kwarto, sunod sunod ang mga tanong ko non pero ang tanging sagot ni kuya ay "wala si tito kanina pa umalis, pumuntang motor pool ng skwelahan..hinihintay ko nga bumalik kasi kakain na tayo eh, tsaka di ako pumasok ng kwarto mo kasi kagagaling ko lang sa likuran pinakain ko yung mga alaga kong manok" wala na akong naisagot sa kanya kasi sobra akong natulala, naisip ko kung di ako naka gising baka ano na nangyari sa akin kung may gustong kumuha ba talaga sa akin o dala lang yun ng kung ano anong nakikita natin tuwing binabangungot tayo at kung sino man ang tumawag sa akin at kung kaninong boses man yun na ka boses talaga ni tito ay nagpasalamat nalang ako, kung hindi dahil siguro dun hindi ako magigising, hindi talaga tayo pinapabayaan ng Diyos, simula nun natutulog ako na katabi ang bible at naglalagay ako ng isang basong tubig sa bintana at sa ilalim ng bed ko. Hindi na ako binangungot after non

Naniniwala ako sa Diyos pero hindi ako pala dasal talaga at dine deny ko rin ang religion ko, hindi ako pumupunta ng simbahang katoliko kasi hindi ko gusto na may mga rebulto sa simbahan at hindi din ako naniniwala na tanging sa simbahan ka lang makakapag usap or communicate kay God kundi sa pamamagitan ng taimtim na dasal, ganito pa rin ako hanggang ngayon na 25 years old na ako at hindi ko ikinakahiyang sabihin na hindi talaga ako pumupunta ng simbahan, mali man ito para sa iba basta ang masasabi ko lang ay buo ang paniniwala ko sa Diyos.