Pinoy Horror Story

Mag ingat tayo sa mga kinikuha nating sangla tira. Gaya nalang sa bahay na nakuha namin sa Parañaque na sangla tira din. Maganda at mura kaya kinuha na namin tapos up and down din at malawak. Pero ang di namin alam may iba pa palang nakatira sa bahay na yun bukod samin. Nang mga unang linggo namin sa bahay ay normal naman pero nung mag iisang buwan na kami dun nagsimula ang mga di maipaliwanag na mga bagay. 

 

BEDROOM 

Tuwing natutulog na kami ng asawa ko madalas binabangungot kami at parehas kami ng napapanigipan. Madalas namin napapanigipan yung babaeng duguan na humahabol samin sa loob ng bahay na may dalang kutsilyo. Bigla nalang kaming sabay magigising ng asawa ko at pag kinukwento namin sa isa't isa yung panaginip namin parehas na parehas kami. 

 

KITCHEN 

Minsan naman pag-uwi namin galing work nagugulat nalang kami na may dugo sa may lababo namin kahit wala naman kaming biniling karne. Nakalock din ang bahay namin kaya imposibleng ibang tao ang gumagawa nun. 

 

LIVING ROOM 

Minsan naman pag nasa sala kami habang nanunuod ng t.v may nakikita nalang ako bata sa reflection ng salamin namin. Tinatanong ko yung asawa ko kung nakikita niya rin ba yun sabi niya oo. Akala ko ako lang ang nakakakita. 

 

BATHROOM 

Isa na siguro to sa part ng bahay na kinatatakutan ko. Minsan kasi parang may ibang gumagamit ng shower kahit ako lang mag isa sa bahay dahil nasa work pa yung asawa ko. Sobrang nakakatakot dahil minsan mamamatay na lang din yung ilaw ng bathroom habang naliligo ka. 

2 beses na namin pinabless ang bahay na yun pero wala pa ring nangyayari. Lagi pa ring nagpaparamdam yung mga esperitong nakatira dun. Minsan natanong namin yung kapitbahay namin kung may nakatira ba dun dati bago yung nagsangla sa amin. Sabi nila meron daw pamilyang nakatira dun. Yung nanay ng pamilyang yun ay nasiraan ng bait after daw sila iwan ng asawa. Pinatay niya daw ang mga anak niya pati ang sarili niya. Matagal daw na walang kumuha sa bahay na yun. May mga kumuha daw pero di rin daw nagtatagal dahil may mga nagpaparamdam at nagpapakita. Ngayon napagdesisyunan namin na lumipat nalang ng paupahan kesa magtiis kami sa kababalaghan ng bahay na yun.