Pinoy Horror Story

Way back 2016 nung naglibot kami ng Pampanga, ang sasakyan namin ay yung civic, tatlo lang kami, driver, yung mister ko at ako nasa tabi tapos yung kapatid nya mag isa sa likod. Pumunta kase kaming SM clark dahil naka sale mahilig kase kaming maglibot pag Sale. Mga bandang 2 pm nakarating kami sa Clark dahil galing pa kaming Nueva Ecija dun kami dumaan sa SCTEX pa Zaragoza tapos may shortcut dun papuntang Quezon yata or Licab para mabilis dahil taga Sto. Domingo kami. Sa sobrang libang di namin na bantayan yung oras halos 8 pm na kami umalis sa SM clark.

 

Kabisado na kase ng asawa ko yung daan. Masaya naman yung byahe namin dahil diretso lang pag nasa SCTEX gising pa kaming lahat non puro kwentuhan. Mga bandang 10 pm nakarating na kami ng Zaragoza yung asawa ko nalang gising kami nung kapatid nya tulog na dahil sa pagod. Nung dumaan kami sa shortcut gumising na ako para may kasama namang gising yung asawa ko dahil medyo savanna sa gawi don (yung lugar na walang bahayan puro puno lang) mga bandang 11 nung malapit na kami sa Quezon nagising yung kapatid ng asawa ko nasusuka daw sya. Edi huminto kami. Wala pa ding bahayan sa gawi na yon eh wala na kaming magawa dahil sukang suka na. nilingon ko lumapit sa puno. After siguro ng mga 5 mins. naramdaman na namin ng asawa ko na may sumakay na. Hindi na namin nilingon dahil yung kapatid lang naman nya yung nandon.

 

Edi habang nasa daan kami kwento ako ng kwento para naman mabuhay sila ang pinag tataka ko ang tipid nya magsalita dahil yung kapatid nung asawa ko sobrang daldal at kalog non. Inintindi ko nalang dahil baka siguro hilo pa din at may masamang nararamdaman. Hanggang sa makarating kami sa bahay bumaba na kami nung asawa ko. Mga ilang minuto hindi pa din bumababa yung kapatid nya kaya sabi ko sa asawa ko icheck nya baka nahimatay na o kaya nakatulog ulet. Edi naupo muna ako sa sala samin kase nakatira yung kapatid kase bata pa at nag aaral pa sa college yung asawa ko nagpapaaral dahil wala pa naman kaming anak.

 

Nagulat ako dahil tumatakbong pumasok yung asawa ko at namumutla tinanong kung pumasok na daw ba yung kapatid nya sabi ko ako palang naman yung pumapasok. Sabi nya wala daw yung kapatid nya kaya dali dali akong tumayo at kinabahan. Nako mga bes ang kilabot ko. Lumaki ulo ko. Tinignan ko ulet yung kotse baka kako nalaglag lang sa upuan pero wala. Naalala ko yung sumakay samin. Parang di kako yung kapatid nya tinanong ko din yung asawa ko kung may napansin na kakaiba sabi nya oo daw. Sabi nung katulong naming matanda meron daw talagang ganung mga ligaw na kaluluwa lalo nat nasa tahimik yung lugar nanggagaya sila ng anyo nanloloko. Sabi pa nya baka nasa bahay na namin yung kaluluwa pero puntahan muna daw namin yung kapatid nung asawa ko dahil paniguradong mag isa lang yun at delikado dun.

 

Wala nang kaartehan pa umalis agad kami nung asawa ko sobrang bilis ng takbo yung pang isang oras na byahe 30 mins lang paniguradong sa pag aalala. Wala naman nang dumadaan nung oras na yung dahil mag 12 na ng gabi. Nang magsimula na yung savanna binagalan na namin yung takbo para hanapin yung kapatid nya. Hanggang sa may humarang samin at todo iyak. Di namin maintindihan yung itsura nung kapatid ng asawa ko namumutla na takot na takot, iyak nang iyak. Kaya simula non di na kami dumaan don. Yung kapatid naman ng asawa ko na trauma kaya pinagamot namin. Sabi nya kung ano ano daw nakikita nya don, mga naririnig. Wala man lang daw dumaan. May makikita daw syang naglalakad sa kalsada pero paglalapitan na nya biglang mawawala. Yung bahay namin pinabless ulet namin sa pare.

 

Kaya mga bes pag Masyadong gabi na wag nang dumaan sa shortcut na walang bahayan mahirap na. Mag ingat palagi