Menu

Maymomoo! - Mangamba... manginig... takbo!

The Philippines top horror story archive.

New Horror Stories

Simbang Gabi (A Demon in the Catholic Church)

Story Rating:

A true story revelation of seeing a real demon in the Cathol......

MGA LAMOK

Story Rating:

Ang kwentong ito ay isa sa mga pang yayaring hindi ko makaka......

Lola (True Story)

Story Rating:

Sabi nila, ang taong malapit nang mamatay, marami raw nakiki......

Si Lola Aswang

Story Rating:

I came from a underprivileged family kaya during high school......

"MAG INGAT SA MGA SANGLA TIRA"

Story Rating:

Mag ingat tayo sa mga kinikuha nating sangla tira. Gaya nala......

OUTING

Story Rating:

This is the first time that I will share creepy things durin......

HAUNTED HOUSE

Story Rating:

Itago niyo nalang ako sa pangalan na Pathcuhay. Mero......

 Fiction Belong Itim

Story Rating:

Ginagamit ng mga matatanda noon ang belong itim sa iba't iba......

Sundo

Story Rating:

Ang kwento ng aking ama bago siya namatay!...

 Fiction Ampon

Story Rating:

halos apat na taon na silang kasal ngunit wala pa silang an......

Top Horror Stories

Ang Liham...

Story Rating:

Parang nawala ako sa sarili ko. Kumikilos ako ngunit hindi n......

Toll Plaza

Story Rating:

Isa akong ex-toll teller, kame ay inihahated at sinusundo ng......

 Fiction Tito Tope!!!

Story Rating:

Ilang minuto pa ay palakas na ng palakas ang mga galaw ni Ti......

Mga Patak ng Tubig

Story Rating:

Kwento ito ng isang kaibigan ko. Namatay ang asawa nyang lal......

Simbang Gabi (A Demon in the Catholic Church)

Story Rating:

A true story revelation of seeing a real demon in the Cathol......

Sa Zambales

Story Rating:

Itago nyo nalang ako sa pangalang Kristy. Mga 19 years old a......

Jollibee Scare 2

Story Rating:

Ang kwento, may namatay daw na dating crew sa store namin, p......

Nagambala

Story Rating:

Iba ang naging takbo ng gabing iyon. Madalas ang alulong ng ......

Boarding house

Story Rating:

3rd year college na po ako sa isang private school sa Occide......

Nanay

Story Rating:

Tobong Occidental Mindoro po kami, that time hindi pa ganung......

New Fictional Horror Stories

 Fiction Belong Itim

Story Rating:

Ginagamit ng mga matatanda noon ang belong itim sa iba't iba......

 Fiction Ampon

Story Rating:

halos apat na taon na silang kasal ngunit wala pa silang an......

 Fiction Black lady sa Bahay

Story Rating:

I remember na Saturday pala ngayon. So Uuwi na ako samin kas......

 Fiction Kasakay

Story Rating:

Sabi ko imposible, nakasabay ko pa sya kanina sa dyip ng ala......

 Fiction Manananggal

Story Rating:

Ilang linggo palang nakakalipas ay nakaramdam na ako na may ......

 Fiction Ang Nakaputing Babae (Short Story)

Story Rating:

oong 2010 lumipat ang pamilya nina kuya ng bahay. Wala pa si......

 Fiction Sa Aming Bahay (Short Story)

Story Rating:

Minsan sa aming hagdan mayroon akong nakitang isang lalaking......

 Fiction Sing-Sing

Story Rating:

Isang supultorero si Ivan sa isang cemetery ng Laguna.Siya a......

 Fiction BARANG

Story Rating:

Nagsimula lang naman siyang magduda nang minsang makatanggap......

 Fiction Valentine Message

Story Rating:

"Look, hon, tingnan mo," nakangising sabi ng lalaki sa nobya......


Pinoy Horror Story



Story Rating

Rated (5/5)
by 2 user(s)


Kwento ito ng isang kaibigan ko. Namatay ang asawa nyang lalaki na isang pulis. Pero hindi sa bala ng baril o sa engkwentro namatay. Nalunod.


Nung araw na yun umalis ng bahay ang asawa ni Anna, officemate ko. Nagtaka sya dahil papasok daw ito sa trabaho pero hindi naman ito naka-uniporme. Hindi naman sinabi ng asawa kung ano ang gagawin sa headquarters at basta nalang umalis. Samantalang sya ay pumasok na rin sa trabaho. Mga 1030 ng umaga nag-ring ang phone nya habang nasa opisina. Sinagot nya ang phone, nasa kabilang linya ay isa sa mga kaibigan ng asawa nyang pulis. 


"Anna, wag kang mabibigla. Patay na si Rudy!"


Hindi nakapagsalita ang kaibigan kong si Anna sa sinabi ng kausap nya sa phone. Ang asawa nya, patay na daw! Mga ilang minuto ang lumipas saka ko nakita na tumulo na ang luha ni Anna, at tuluyan nang humagulgol.


"Anong nangyari???!!" tanong ni Anna sa kausap.


"Nagka-yayaan kasi kami mag-swimming ngayon dito sa club house ng isang subdivision sa Novaliches. Hindi namin napansin eh, mabilis ang pangyayari. Nakita na lang namin na nakalutang na sya. Sinubukan namin i-revive pero wala na. Sabi sa ospital puno na daw ng tubig yung baga."


Wala nang nagawa si Anna. Tinanggap na lang nya ang sinapit ng asawa na ayon sa mga doktor ay na- cardiac arrest kaya nalunod. Nairaos ang burol at libing nang ilang linggo lang. Lumipas ang mga araw. Gabi gabi syang nagpapadasal sa bahay nila na siya at ang 2 anak na babae nalang ang nakatira ngayong wala na ang kanyang asawa. At dun nagsimula ang mga hindi maipaliwanag na pangyayari.


Nasa opisina si Anna, nakaharap sa computer. Samantalang kami ng ibang officemate nya ay nagkekwentuhan sa likod nya nang bigla nya kaming tawagin.


"Oh my God! Huy, tignan nyo to." tawag ni Anna.


Lumapit kami agad sa kanya. Nakita namin sa screen ng computer nya, naka Full Screen ang video ng cctv ng pagka-lunod ng asawa nya! Ikinwento nya sa amin na humingi sya ng CCTV footage nung subdivision kung saan nalunod ang asawa nya. Nakatutok ang cctv sa pool kaya kitang kita kung paanong habang nagsi-swimming si Rudy (na magaling lumangoy) ay biglang humawak ito sa dibdib, nahihirapan man pero pinilit lumangoy papunta sa gilid kung saan andun ang mga kaibigang nagke-kwentuhan. Pero walang nakakapansin sa kanya. Nasa gilid na sya at konti nalang ay makaka-ahon na nang unti unti ay lumubog na sya. Mga isa't kalahating minuto pa ang lumipas bago sya napansin ng mga kaibigan at ini-ahon sa tubig. Pero patay na sya.


Nagulat si Anna. Hindi sya makapaniwala. Isinave daw nya ang video na yun sa USB nya at siguradong hindi nya yun tinransfer sa computer nya. Hindi rin nakasaksak ang USB nya sa computer. At kung sakali man daw na andun nga sa computer ang videong iyon ay hindi naman daw nya yun io-open, at lalong hindi yun kusang magfu-full screen. Pinakita pa nya samin ang nagtaasang balahibo nya sa sobrang pagtataka at kilabot na rin. Pinindot na nya ang X at sumara na ang video. Tinry nyang hanapin sa computer nya ang video kung sakaling andun nga pero hindi nya nakita.


Nung mga sumunod na araw, ay naging sunud-sunod na rin ang kwento samin ni Anna. Isang gabi umuwi sya sa bahay, sinalubong sya ng 2 anak.


"Mama, andito si Papa kanina, hanap ka." sabi ng panganay nya na 8 yrs. old


"Naku ate yang dalawang yan kanina pa sinasabi na andito daw si kuya, natatakot nga po ako eh!" sabat naman ng katulong nila.


"Anak, diba si papa wala na? Diba every night pinagpe-pray natin sya?" explain nya sa bata


"Hindi 'Ma, andito si Papa, sabi nya bat daw wala ka hinahanap ka nga eh"


Minsan naman, kakatapos lang nyang maligo nang sa paglabas nya sa banyo ay naamoy nya ang pabango ng asawa. Hindi yun maaring magalaw ng mga anak dahil itinago nya ang natitirang pabango nito sa damitan nya. At may mga araw na bigla nalang hahalimuyak ang amoy nito sa buong bahay nila.


Isang araw galing sa palengke si Anna, paguwi nya ng bahay nagulat sya na basang basa ang sahig! Mga patak ng tubig na para bang may naglakad dun na basang basa ang paa o katawan. 


"Naty, bakit basa yung sahig, pakipunasan nga at baka madulas ang mga bata" utos nya sa katulong.


"Ate Anna, kanina pa ko nagpupunas nyan. Bigla bigla nalang magkakaron ng basa, hindi po kaya may tumatagas dyan sa tiles?" sabi ng katulong.


"Si Papa yan, dumadaan. Basa kasi si Papa parang naligo sa ulan" sabat ng panganay nyang anak. 


"Naku ate talagang ako'y kinikilabutan na!" sagot ng katulong.


Isang gabi, nasa bahay ang mga mandarasal at kasama si Anna nagdadasal sa altar para sa kaluluwa ni Rudy. Maya maya ay may narinig si Anna na parang patak ng tubig. Lumingon sya at may isang area sa sahig na basa ng tubig. Mahinang tinawag ni Anna si Naty at inutusan na punasan ang tubig sa sahig. Nakaupo na sya ulit katabi ng mga mandarasal nang bumulong ang panganay nyang anak sa kanya.


"Mama, si Papa andyan, nakatayo". Hindi nya pinansin ang sinabi ng anak.


Natapos ang pagdarasal ng gabing yun, nagpaalam na ang mga mandarasal at sinabing babalik nalang bukas. Lumapit sa kanya si Aling Pilar, ang namumuno ng dasalan.


"Anna, kaibigan ko nga pala, si Vicky" pinakilala ni Aling Pilar kay Anna ang kasama nitong babae. 


"Kamusta ho, salamat ho sa pagpunta" sabi ni Anna.


"Iha, ikinalulungkot ko ang nangyari sa iyong asawa. Matanong ko lang, nalunod sya?" tanong ni Aling Vicky.


Um-oo naman si Anna.


"Wag ka sana magagalit sakin, hindi ko alam kung maniniwala ka at maiintindihan ko rin naman kung hindi. Hindi mo naitatanong isa kong espiritista. Nandito ang asawa mo."


"Ho? Ano hong ibig nyong sabihin?" tanong ni Anna.


"Ang asawa mo kako, nandirito sa bahay mo. Katunayan nasa likod natin sya kanina nung nagdarasal tayo. Basang basa sya. Alam mo kasi kapag nakakakita ako ng kaluluwang basa ang buong katawan, alam kong lunod ang ikinamatay non. Malapit na ang ika-40 days ng asawa mo kaya mas kaya nilang magparamdam sa mga nabubuhay"


"Kaya ho pala laging may mga patak ng tubig sa sahig namin. At sinasabi din ng panganay ko na nakikita nga daw nya ang papa nya."


"Iha, hindi maganda ang pagkamatay ng asawa mo. Galit sya at ayaw pa nyang mamatay."


Umiyak si Anna sa narinig. Hindi pa pala matahimik ang kaluluwa ng asawa nya. Sinuggest ni Aling Vicky na itutuloy pa rin ang gabi-gabi nilang pagdadasal. At makabubuti daw na ipag-tirik ito ng kandila sa simbahan.


Dumating ang ika-40 days ng kamatayan ng asawa ni Anna. Pumunta kami sa bahay nila para sumali sa huling padasal. Habang nagdarasal sila kasama ang grupo nila Aling Pilar at Aling Vicky, biglang namatay ang isang kandila gayong walang bentilador na nakatutok sa kanila. Sinindihan naman agad yun ni Anna. Nang masindihan ang kandila, sabay namang namatay ang isa pang kandila sa bandang kanan ng altar. Nagkaka-sikuhan na kaming magoofficemate, para bang kami kami eh nagpapakiramdaman.


"Andito sya." bulong ni Aling Vicky.


Sumunod na nagpatay sindi ang ilaw sa sala. Nagkatinginan man ang mga mandarasal ay tuloy pa rin sila sa pagdadasal. Maya maya nagsalita ang panganay ni Anna.


"Mama, si Papa!" sabi ng panganay nyang anak.


Nagulat ang lahat nang biglang bumagsak sa sahig ang pitchel na nakapatong sa lamesa. Natapon sa sahig ang tubig. Tapos ay biglang humalimuyak sa buong bahay ang paboritong pabango ni Rudy.


"Jusko po ate Anna, anong nangyayari??!" takot na tanong ng katulong nyang si Naty.


"Anna, kausapin mo sya. Kausapin mo ang asawa mo na lumagay na sa tahimik" Sabi ni Aling Vicky.


Umiyak na si Anna habang nagsasalita. Yung ibang mga officemate namin napakapit pa sa braso nung mga officemate naming lalaki dahil malamang sa takot. Nakita namin si Anna na yumuko, nagsasalita sya habang umiiyak at hindi na namin masyadong naintindihan ang mga sinabi nya. Basta narinig lang namin ang mga salitang "Rudy, please!" at "Rudy, mahal na mahal kita".


Maya maya parang biglang pumayapa lahat. Tumahimik. Natigil yung pagpatay sindi ng ilaw. Wala na din ang amoy ng pabango kanina. Gumaan ang kanina'y mabigat na pakiramdam sa loob ng bahay. Tapos mahinang nagsalita si Aling Vicky habang hinahagod ang likod ng umiiyak pa rin na si Anna.


"Narinig ka ng asawa mo Anna, ok na, payapa na sya."


  

Story Archive