Pinoy Horror Story

Hi Maymoomoo,

Share ko lang tong experience na to few years ago.

 

Bagong renovate yung bahay namin, from 2 storey to 3 storey house.

Since mas gusto ko mag isa, inoccupy ko yung 3rd floor, alone. 

Sa right side ng kwarto ay may bintana, sa left side naman ay ang CR. Katapat ng bintana ang pinto ng CR.

May single bed, electric fan and wala pang ilaw non, sanay naman ako kaya ok lang kahit madilim.

First night ko sa room, mag-isa lang ako, nakatapat ang ulo ko pinto ng CR at nasa kanan ko ang bintana ng veranda.

Walang kailaw ilaw, at electric fan lang yung maingay. Hindi din ako nakapag-sounds non, kasi comfortable naman agad ako.

Then, while asleep, kind of bangungot kasi hindi ako makagalaw. Nakatalukbong ako kahit sobrang dilim sa kwarto ko. Tapos may nakikita akong anino ng tao!

I assume na lalaki ito since wala akong maaninag na mahabang buhok. Paulit ulit lang niya kong sinusuri sa likod ng kumot.

Mula ulo pababa, pabalik balik. Then, nagising na lang din ako kasi pinilit kong gumising sa sobrang takot. Nagdasal ako at tumagilid bago ulit matulog. 

Aftew a few days, nagkaron na ng ilaw sa kwarto ko, at nailipat na din sa ibang pwesto yung higaan ko.

Yung ulunan malapit sa pinto ng veranda, yung paanan sa pwesto ng pinto pahagdan pero hindi naman saktong kaharap.

Isang gabi, ganun at ganun na naman ang nangyari sakin. May sumusuri na naman sakin mula ulo hanggang paa habang nakatalukbong ako ng kumot. Hanggang sa maigalaw ko ng muli ang aking katawan at tinanggal ko ang pagkakatalukbong ng kumot. Tumayo ako at binuhay ang ilaw sa aking kwarto dahil kahit nangyari sakin yun nung una ay hindi talaga mawawala ang nakasanayan kong pagpatay ng ilaw sa pagtulog.

Nang ikinuwento ko iyon sa mama ko, pinilit niya na samahan ako ng aking pinsan, para daw hindi na maulit ang bangungot na yon.

Hanggang ngayon tandang tanda ko pa yung kaganapan na yun sa aking isip na sana ay hindi na maulit.

Maraming salamat sa pagbabasa. Hanggang sa muli!

 

-------------------

Maymomoo 2017 Halloween Promo Entry 1